Депутат Маткеримов мектеп директорлорун тандоо сынагындагы кемчиликтерди атады

Бүгүн, 30-октябрдагы Жогорку Кеңештин жыйынында депутат Айбек Маткеримов мектеп директорлугуна тандоо сынагында кемчиликтер болуп жатканын айтты.

Ал сынак оор түзүлүп калганын белгилеп, ошондой эле коррупциялык көрүнүштөр дагы орун алып жатканын билдирди.

"Мугалимдер сынак оор болуп калганын айтышып, өзгөртүүлөрдү киргизүүнү суранып жатышат. Сынактын татаалдыгынан жалпы 2 миң 377 мектеп болсо, анын 401инде директордун милдетин убактылуу аткаруучулар отурат. Ошону менен бирге мунун артынан кээ бир жергиликтүү билим берүү мекемелеринин башчылары өздөрүнчө коррупциялык схеманы түзүп алышыптыр. Камчыбек Ташиев ден соолугуна карабай коррупция менен күрөшүп жатканда, бул мамлекеттик кызматкерлердин кылыгы аянычтуу. Анткени кээ бир сынакка катышуучулардын документтерин билим берүүнүн бөлүм башчылары атайын туура эмес берип коюп жатышат", - деди Маткеримов.