“Мамлекеттик тилде жаз”. Ош шаарында жарнамаларды иретке келтирүү боюнча рейд жүрдү

Ош шаарында мамлекеттик тилде жазылбаган көрнөк-жарнактар алынууда. Мыйзам талабынын аткарылышы боюнча 30га жакын жеке менчик ишканалар текшерилгендигин мэриянын маалымат кызматы билдирди.

Маалымдалгандай, тиш дарылоочу, ийне саюучу жайлардын, сулуулук салондордун жана косметологиялардын сырткы көрүнүшү, аталыштары текшерилип, иретсиз жайгаштырылган, эскилиги жетип, шаардын көркүн бузган жарнамалар алынды. Мында рейд шаар боюнча жүргүзүлө тургандыгы маалыматта кошумчаланган.

Белгиленгендей, иш-чара мамлекеттик тил комиссиясы, муниципалдык менчик башкармалыгынын, архитектура башкармалыгынын, Монополияга каршы кызматынын өкүлдөрүнүн, муниципалдык аймактык башкармалыктарынын жетекчилеринин катышуусунда жүрүүдө.