Эртең "Ала-Тоо" аянтында Кыргыз милициясынын 100 жылдыгына карата парад өтөт  

Эртең, 1-ноябрда Бишкекте "Ала-Тоо" борбордук аянтында Кыргыз милициясынын 100 жылдык мааракесине карата парад, кечинде майрамдык концерт болот. Бул тууралуу ИММдин басма сөз кызматы кабарлады.

Маалыматка ылайык, майрамдык иш-чара УТРКнын телеканалында онлайн режимде көрсөтүлөт жана бардык жалпыга маалымдоо каражаттарында чагылдырылат.

Ошондой эле кечки концерттик программада ички иштер органдарынын кызматкерлеринин "Ыр кесе" музыкалык сынагынын жеңүүчүлөрү сыйланат.

"Урматтуу кыргызстандыктар жана республиканын меймандары, 1-ноябрда борбор калаанын борбордук бөлүгүндө автоунаалардын кыймылына убактылуу чектөө киргизилет, түшүнүү менен мамиле жасап, жол жүрүүнүн ыңгайлуу жолдорун алдын ала тандап алууну суранабыз", - деп билдирди ИММ.