Депутаттар 6-ноябрга чейин аймактарды кыдырат

Жогорку Кеңештин депутаттары 4-ноябрдан 6-ноябрга чейин шайлоочулар менен иштешет. Бул тууралуу бүгүн, 31-октябрда парламент жыйынында маалым болду.

Жыйында "Жогорку Кеңештин депутаттарынын шайлоочулар менен иштөөсү жөнүндө" токтомунун долбоору кабыл алынды.

Ага ылайык, 4-ноябрдан тартып 6-ноябрды кошуп алгандагы мезгил депутаттардын шайлоочулар менен иштөө убактысы деп эсептелет.

Ал эми кыргызстандыктар 7-ноябрдан 10-ноябрга чейин эс алышат. 7-8-ноябрь – Тарых жана ата-бабаларды эскерүү күнү болуп эсептелсе, 9-10 ноябрь дем алыш күндөрүнө туш келет.