Кара-Көлдөгү Жазы-Кечүү айылында жакында алгачкы бала бакча ачылат

Кара-Көл шаарынын Жазы-Кечүү айылында алгачкы ирет салынган бала бакчаны ноябрь айында пайдаланууга берүү мерчемделүүдө. Бул тууралуу шаардык мэриянын басма сөз кызматы бүгүн, 31-октябрда билдирди.

Белгилүү болгондой, аталган бала бакча жергиликтүү бюджеттин эсебинен салынууда.

Жазы-Кечүү аймактык башкармалыктын башчысы Күзөркан Таштанкулованын айтымында, бакчанын ордунда мурун эски кампа болгон.

"Айыл элин кубанткан бакчанын орду тек гана бош жаткан эски кампанын орду эле. Элдин өтүнүчү жана суроо-талаптардын негизинде маселе көтөрүлүп, жергиликтүү бюджеттен каржылоонун негизинде иш башталган", - деди ал.

Белгилей кетсек, аталган айылда 5 жашка чейинки 200гө чукул бала бар.