Кочкор–Коммунизм жолундагы Чу дарыясынан өтүүчү көпүрөнүн курулушу кызуу жүрүүдө

Кочкор–Коммунизм унаа жолунун 500-чакырымындагы Чу дарыясынан өтүүчү көпүрөнүн курулуш иштери уланууда. Бул тууралуу бүгүн, 1-ноябрда Транспорт министрлигинен билдиришти.

Маалым болгондой, учурда бетон аралашмасын куюу иштери жүрүп, жеринде техникалар иштеп жатат. Жаңы көпүрөнү салуу иштери жакынкы күндөрү аяктайт, андан соң асфальт басуу иштери аткарылат.

Көпүрө 3 пролёттон туруп, узуну 54 метрди түзөт, туурасы 12,5 метрди түзөт.

Белгилей кетсек, Транспорт жана коммуникациялар министри Абсаттар Сыргабаев үстүбүздөгү жылдын 2 -октябрында Нарын облусуна болгон иш сапарынын алкагында Чу дарыясынан өтүүчү көпүрөнүн курулуш иштери менен жеринен таанышып, жумушту өз убагында бүтүрүү тапшырмасын койгон.