Өзбекстанда баласын сатууга аракет кылган ата-энеге сот чечими чыкты

Өзбекстандын Жизак шаарында үч жаштагы баласын сатууга аракет кылган ата-энеге сот чечими чыкты. Бул боюнча аталган өлкөнүн жергиликтүү басылмалары жазышты.

Маалым болгондой, алар 3 жаштагы баласын сатууга аракет кылып жаткан учурда кармалган. Баланы 3 миллион сумга баалашканы айтылат.

"Алардын иши Жизак шаарынын сотунда каралган. Соттун чечимине ылайык, айыпталуучу Кылмыш-жаза кодексинин 135-беренеси (Адам сатуучулук) боюнча күнөөлүү деп табылып, сегиз жылга эркинен ажыратылды. Баланын энеси дагы ошол эле берененин негизинде, Кылмыш-жаза кодексинин 57-беренесин колдонуу менен соттолду. Ал абакка алты жылга кесилди" деп жазылат маалыматта.