Дүйнөдөгү эң чоң крокодил 120 жыл жашап өлдү

Австралияда дүйнөдөгү эң чоң крокодил өлдү. Бул тууралуу чет элдик басылмалар жазышты.

Маалыматка ылайык, жаныбардын аты Кассиус. Ал болжол менен 120 жыл жашаган.

Аталган жаныбарды баккан уюмдун маалыматы боюнча, Кассиустун ден соолугу 15-октябрда начарлап кеткен. Адистердин айтымында, ал жапайы жаратылышта жашаган крокодилдерге караганда көп жашаган.

"Ал жөн гана крокодил эмес, биздин үй-бүлөбүздүн кымбат мүчөсү болуп калган", - деп билдирүү калтырган аталган мекеме.

Жырткыч жандык 1984-жылы Австралияда кармалган. 1987-жылдан бери ал Грин аралындагы "Marineland Melanesia" паркында багылып келген. Крокодилдин узундугу 5,48 метр, салмагы 998 килограмм болгон. 2011-жылы Кассиус туткунда болгон дүйнөдөгү эң чоң крокодил катары Гиннесстин рекорддор китебине кирген. Ошондой эле туткундагы эң улгайган крокодил болуп дагы эсептелинген.