Акылбек Жапаров акыркы 4 жыл ичинде өлкө кризистен чыкканын айтты

Министрлер кабинетинин төрагасы Акылбек Жапаров президент Садыр Жапаров жетектеген команда өлкөнү кризистен алып чыкканын айтты. Ал бул тууралуу бүгүн, 4-ноябрда "Адамдык капитал жана туруктуу өнүгүү" аталышындагы улуттук форумда сөз сүйлөп жатып билдирди.

"4 жыл ичинде Садыр Жапаров жетектеген команда Кыргызстанды терең кризистен, туңгуюкка түшүп калган жерден алып чыгып, туруктуу өнүгүү жолуна коё алганын бир дагы ички же тышкы серепчилер тана албайт десек болот. Күч-кубаттуу жана өркүндөп өсүп жаткан Кыргызстандын калыптанышы – бул биздин потенциал, эмгегибиз, баарыбыздын ишенимибиз жана биримдигибиз менен салынган жол. Биз келечекке көз салуу менен тим болбостон, улам жаңы белестерди ашып өтүп, ар бир күнү аны куруп жатабыз", - деди Жапаров.