Өлкөдө дагы бир мамлекеттик мекеме түзүлөт

Кыргызстанда президенттин иш башкармалыгына караштуу "Президенттин администрациясынын жана Жогорку Кеңештин ишин камсыз кылуу боюнча департамент" мамлекеттик мекемеси түзүлөт. Тиешелүү жарлыкка президент Садыр Жапаров кол койгонун "Эркин-Тоо" мамлекеттик гезити бүгүн, 5-ноябрдагы санына жарыялады.

Жарлыкта мындай чечим президенттин администрациясынын жана парламенттин административдик имараттарынын натыйжалуу иштөөсүн камсыз кылуу, кызматкерлер жана мамлекеттик мекемелерге баргандарга ыңгайлуу шарт түзүү үчүн кабыл алынганы айтылат.