Трамп же Харрис? АКШда президенттик шайлоо башталды

Бүгүн, 5-ноябрда америкалыктар жаңы президентти шайлап жатышат. Шайлоонун жыйынтыгын билүү бир нече саатка же күнгө созулушу мүмкүн.

Американын жаңы лидеринин ролу үчүн АКШнын мурдагы президенти Дональд Трамп менен өлкөнүн азыркы вице-президенти Камала Харрис ат салышууда.

Демократтар партиясынан азыркы мамлекет башчысы Жо Байден экинчи мөөнөткө талапкерлигин жарыялаган, бирок 21-июлда ал талапкерлигин алып салып, вице-президент Камала Харристи колдой турганын билдирген.

Учурда өлкөдө 60-президенттик шайлоо болуп жатат, жарандар бул шайлоодо 47-президентти шайлашат. Шайлоонун жыйынтыгы 5-ноябрда кечинде чыгары күтүлүүдө.

Белгилей кетсек, Америкада акыркы президенттик шайлоо 2020-жылдын 3-ноябрында өткөн.