Министрдин орун басары жыл сайын 150 кыргызстандык Түркияда акысыз дарылана аларын айтты

Кыргызстандын 150 жараны Түркияда акысыз дарылана алат. Бул тууралуу бүгүн, 6-ноябрда саламаттык сактоо министринин орун басары Каарманбек Байдавлетов жергиликтүү уктуруулардын бирине берген маегинде билдирди.

Ал 2019-жылдан баштап түрк тарап кыргызстандыктарга акысыз дарылануу боюнча квота бербей калганын айтып, муну коронавирус илдети менен түшүндүрдү.

"2019-жылга чейин 70 жараныбызга квота берип келишкен. Кечээки сүйлөшүүлөрдө "150гө чейин көтөрүп бергиле" деген сунушту киргиздик", - деди Байдавлетов.

Ошондой эле саламаттыкты сактоо министринин орун басары мындай келишим 5 жылга чейин түзүлүп жатканын кошумчалады.