Түрк мамлекеттер уюмуна мүчө өлкөлөр Борбордук банктар кеңешин түздү

Түрк мамлекеттер уюмуна мүчө өлкөлөрдүн Борбордук банктар кеңешин түзүү жөнүндө меморандумга кол коюлду.

Бишкек шаарында өтүп жаткан Түрк мамлекеттер уюмунун 11-саммитинин алкагында Түрк мамлекеттер уюмуна мүчө мамлекеттердин Борбордук (улуттук) банктар кеңешин түзүү жөнүндө меморандумга кол коюлду.

Меморандумга Кыргызстандын Улуттук банкынын төрагасы Мелис Тургунбаев, Азербайжандын Борбордук банкынын төрагасы Талех Кязымов, Казакстандын Улуттук банкынын төрагасы Тимур Сулейменов, Түркиянын Борбордук банкынын төрагасы Фатих Карахан жана Өзбекстандын Борбордук банкынын төрагасы Мамаризо Нурмуратов кол коюшту.

"Түрк мамлекеттер уюмуна мүчө мамлекеттердин Борбордук (улуттук) банктар кеңешин түзүү борбордук банктардын ортосундагы натыйжалуу кызматташууну бекемдөөгө, акча-кредит саясаты, финансылык туруктуулук, төлөм системасын жана финансылык технологияларды өнүктүрүү жаатында тажрыйба алмашуу максатында биргелешкен консультацияларды жана изилдөөлөрдү жүргүзүүгө багытталган", - деп айтылат маалыматта.