Түрк мамлекеттер уюмуна төрагалык кылуу Кыргызстанга өттү 

Түрк мамлекеттер уюмуна төрагалык кылуу Казакстандан Кыргызстанга өттү. Бул тууралуу тышкы иштер министри Жээнбек Кулубаев саммиттин жыйынтыгы тууралуу журналисттерге маалымат берип жатып айтты.

"2025-жылы Бишкек шаары Түрк мамлекеттер уюмунун санариптик борбору, ал эми Жалал-Абад шаары Түрк дүйнөсүнүн туристтик борбору деп жарыялоо тууралуу чечимдер кабыл алынды", - деди министр.

6-ноябрда өткөн ТМУнун саммитинде бир катар чечимдер кабыл алынып, бир нече документтерге кол коюлду. Иш-чара президент Садыр Жапаровдун төрагалыгы астында өттү.

Саммит “Түрк дүйнөсүнүн күчтөнүшү: Экономикалык интеграция, туруктуу өнүгүү, санариптик келечек жана бардыгы үчүн коопсуздук” аталышында болду.

Белгилей кетсек, ТМУ – түрк тилдүү мамлекеттерди бириктирген эл аралык уюм. Уюмга мүчө өлкөлөр: Азербайжан, Казакстан, Кыргызстан, Өзбекстан, Түркия. Ал эми Түркмөнстан, Венгрия саммиттин ишине байкоочу өлкө катары катышып келет.