Арстан Алайдын өлүмү боюнча күбөлөр суралды

Арстанбек Абдылдаевдин (Арстан Алай) өлүмүнө байланыштуу козголгон кылмыш иши боюнча соттук отурум болду. Бул тууралуу маалыматты бүгүн, 7-ноябрда Чүй облустук сотунан ырастады.

Маалыматка ылайык, отурум кечээ, 6-ноябрда Аламүдүн райондук соттунда болуп, күбөлөр суралган. Кийинки отурум 21-ноябрга белгиленген.

Абдылбаевдин өлүмү боюнча Жазаларды аткаруу кызматынын 5 кызматкерине "Шалаакылык" беренеси боюнча айып тагылып, алардын бири тергөө учурунда каза болгон.

Белгилей кетсек, 5-январь күнү саат 05:15 чамасында Юстиция министрлигине караштуу Жазаларды аткаруу кызматынын атайын дарылоо-түзөтүү мекемесинин ашканасында Арстанбек Абдылдаев асынган абалда табылган.

Улуттук коопсуздук боюнча мамлекеттик комитет ал "Диний кастыкты козуткан" деген шек менен кармалганын былтыр 15-декабрда билдирген. Ага "Социалдык тармактарда жана китепчелерди таратуу менен диний кастыкты козуткан чакырыктарды жасаган" деген айып коюлган.