Бүгүн Нарын дарыясына түшүп кеткен кызды издөөгө 54 адам чыкты

Нарын дарыясына секирип кетип, дайынсыз болуп жаткан өспүрүм кызды издөөгө бүгүн, 7-ноябрда 54 адам жөнөп кетти. Бул тууралуу Өзгөчө кырдаалдар министрлигинен билдирди.

Маалымдалгандай, издөө иштерин координациялоо үчүн ӨКМдин Нарын шаардык №16 ӨКБдан 10 куткаруучу, Ак-Талаа райондук ӨКБдан 5 куткаруучу жана издөө иштерин жүргүзүү үчүн ИИМден 28 кызматкер, жергиликтүү тургундардан 11 адам, жалпы 54 адам тартылды.

Белгилей кетсек, Нарын шаарында 2-ноябрь күнү Жаңы-Жол тилкесиндеги көпүрөдөн 2007-жылы туулган Т.Э. аттуу өспүрүм кыз Нарын дарыясына секирип кеткендиги тууралуу маалымат түшкөн. Ошол күндөн бери издөө иштери уланууда.

Кошумча маалымат берилет.