Министр Сыргабаев Нарындагы көпүрөнүн курулуш иштери менен таанышты

Транспорт жана коммуникациялар министри Абсаттар Сыргабаев Кочкор-Коммунизм унаа жолунун 1500-чакырымындагы Чу дарыясынан өтүүчү көпүрөнүн курулуш иштеринен кабар алды. Бул тууралуу бүгүн, 7-ноябрда министрликтен кабарлашты.

Маалыматка ылайык, курулуш иштери жакынкы күндөрү аяктайт.

Азыркы тапта бетон аралашмасын куюу иштери жүрүп, жеринде техникалар иштеп жатат. Көпүрө 3 пролеттон туруп, узундугу 54 метрди, туурасы 12,5 метри түзөт.

Министр иш ыргагын ыкчамдатуу менен көпүрөнү белгиленген мөөнөттө колдонууга берүүнү тапшырды.