АКШнын учурдагы президенти Жо Байден Трамп жөнүндө билдирүү таратты

АКШнын азыркы президенти Жо Байден Дональд Трамп президенттик шайлоодо жеңишке жеткенден кийин биринчи жолу элге кайрылуу жасады. Бул туурасында чет элдик басылмалар жазышты.

Байден күн мурун Трампка телефон чалып, жеңиши менен куттуктаганын айтты. Ошондой эле ага тынчтык жолу менен бийликти өткөрүп берүүгө кепилдик бергенин билдирди.

Президент ошондой эле Демократиялык партиянын мүчөлөрүнө кайрылды. Ал партиянын тарапташтары учурда жеңилүү ызасын тартып жатышканын белгилеп, убактылуу нерсе экендигин кошумчалаган. Жана да президенттик кызмат эмес, өлкө үчүн биргелешип жасаган кызмат маанилүү экендигин айтты.

Айта кетсек, АКШда шайлоо 5-ноябрда өттү. Мурдагы президент Дональд Трамп шайлоодо талап кылынган 270 шайлоочунун 295 добушуна ээ болуп, жеңишин жарыялады. Байден Камала Харристин шайлоодогу жеңилүүсүн "өзгөчө жагдайлар" менен байланыштырды. Харрис жеңилгенин эл алдында моюнуна алып, бирок мыйзамдуулук үчүн күрөштү улантууга убада берди.