"Кафеден сүйрөп чыгып..." Бишкекте кыз ала качууга аракет кылгандар кармалды (видео)

Бишкекте кыз ала качууга шектелген жарандар кармалды. Бул тууралуу бүгүн, 8-ноябрда Милициянын кайгуул кызматынан билдирди.

Маалыматка ылайык, 7-ноябрда саат 22:00 чамасында Маевка айылында жайгашкан кафелердин биринен 18 жаштагы кызды 25-30 жаштардагы балдар күч колдонуп БМВ үлгүсүндөгү унаага салып кеткендиги тууралуу билдирүү келип түшкөн.

Милициянын кайгуул кызмат башкармалыгынын кызматкерлери тарабынан ыкчам издөө иштеринин жыйынтыгында, Сокулук-Кант айланма жолунун Алмата көчөсү менен кесилишинен аталган унааны кармап, Биринчи май РИИБинин тергөө бөлүмүнө өткөрүп беришкен.

Анда 27 жаштагы К. уулу Э. аттуу Ысык-Көл облусунун тургуну кызды мажбурлап үйлөнүү максатында ала качып бара жатканы аныкталган. Окуяга катышкан достору, БМВ унаасынын айдоочусу Ш.Н. жана О.Ж. аттуу жарандар дагы тергөө бөлүмүнө өткөрүлүп берилди.