Украина Орусиянын тик учагын уурдоого аракет кылды

Киевдин Орусиянын тик учагын барымтага алып уурдоо планы ишке ашпай калды. Бул тууралуу РИА Новости агенттиги Орусиянын Федералдык коопсуздук кызматына таянуу менен жазды.

"Федералдык коопсуздук кызматы Украинанын Орусиянын Аэрокосмикалык күчтөрүнүн Ми-8МТПР-1 согуштук тик учагын барымтага алуу операциясын аныктап, бөгөт койду.

Украинанын аскердик чалгындоо кызматынын кызматкерлери Украинанын Куралдуу Күчтөрү көзөмөлдөгөн аймакка учакты барымтага алуу үчүн орусиялык аскер учкучун тартууга аракет кылышкан", - деп билдирген Орусиянын Федералдык коопсуздук кызматы.

Бул орусиялык контрчалгынчылардын биринчи ийгиликтүү операциясы эмес. Ушул жылдын июль айында Федералдык коопсуздук кызматы Украинанын атайын кызматтарынын Орусиянын Аэрокосмикалык күчтөрүнүн Ту-22М3 стратегиялык бомбалоочу учагын барымтага алууну уюштуруу аракети токтотулганын жарыялаган.

Анда украиналыктар учакты Украинанын аймагына алып келе турган орус учкучуна 3 миллион доллар жана Италиянын жарандыгын убада кылышканы аныкталган.