Министр Бейшеналиев 4 жыл мурунку убадасы аймактарда ишке ашканын билдирди

Бүгүн, 11-ноябрдагы Жогорку Кеңештин Бюджет, экономикалык жана фискалдык саясат боюнча комитетинин жыйынында саламаттык сактоо министри Алымкадыр Бейшеналиев аймактагы хирургдардын маянасы 1000 долларга жеткенин билдирди.

"Мен 2020-жылы министр болгондо айткам, "ар бир хирург жок дегенде 1000 доллар алышы керек" деп. Бул азыр региондорго жетти. Бирок Бишкек менен Ош шаарында ишке аша элек. Сиздер колдоп берсеңиздер, 1-2 жылдын ичинде 1000 долларга чейин көтөрүлөт", - деди ал.