Иранда жылаңач көчөгө чыккан кыздын тагдыры белгилүү болду

Иранда жоолукту туура эмес салынганы үчүн куугунтукталганына нааразы болуп көчөдө чечинген ирандык студент Аху Дарьяи психиатриялык ооруканага мажбурлап дарыланууга жөнөтүлдү. Бул тууралуу чет элдик басылмалар жазышты.

Ирандын илим министри Хоссейн Симаи Саррафтын айтымында, студент азыр үй-бүлөсүнүн колдоосу менен дарыланууда. Кыздын буга чейин психикалык көйгөйлөрү болгон эмес.

Ноябрдын башында кыз Тегерандагы Ислам Азад университетинин алдына нааразылык акциясына чыккан. Кыз аталган университеттин төртүнчү курсунда француз тили жана адабияты багытында окуйт.

Amir Kabir Newsletter студенттик уюму кыз Басиж жарым аскерлештирилген тобунун мүчөлөрү тарабынан куугунтукка алынгандан кийин чечинип алганын билдирген. Алар аялдардын кийимдерин туура кийинүүсүн көзөмөлдөшөт.