Трамп президенттик кызматка отурары менен Орусия менен Украинаны сүйлөшүүгө чакырары айтылды 

Америкадагы президенттик шайлоодо жеңип чыккан Дональд Трамп жаңы президенттик мөөнөтүнүн биринчи күнүндө Орусия менен Украинанын ортосунда сүйлөшүүлөрдү уюштурарын билдирди. Бул тууралуу чет элдик басылмалар жазышты.

Анда Трамптын басма сөз катчысы Кэролайн Левитт "эми ал Орусия менен Украинанын ортосунда тынчтык келишимин түзө алат” деп билдирүү жасаган. Ошондой эле ал Дональд Трамп президенттик мөөнөтүнүн биринчи күнү согушту токтотуу үчүн Украина менен Орусияны сүйлөшүүгө чакыра турганын кошумчалаган.

Трамп буга чейин Украинадагы жаңжалды бир күндө чече аларын бир нече жолу айткан.

Белгилей кетсек, буга чейин Америка тараптын демилгеси менен Орусиянын президенти Владимир Путин жана АКШнын президенти Дональд Трамптын телефон аркылуу сүйлөшүүсү болгон.