Жумгалда жоголгон ата-бала: 49 жаштагы жарандын жансыз денеси табылды

Нарын облусунун Жумгал районунда жоголгон 45 жаштагы жарандын жансыз денеси табылды. Бул тууралуу бүгүн ,14-ноябрда Ички иштер министрилиги билдирди.

Маалыматка ылайык, ИИМдин Кинологиялык борборунун кызматкерлери атайын үйрөтүлгөн иттер менен 11-ноябрда издөө иштерине чыгып, жоголгон жарандын сөөгүн Көкөмерен суусунун боюнан табышкан.

"Кызматтык ит жоголгон жарандын жытын алып, анын сөөгүн тапбылды. Учурда издөө иштери анын уулун табууга багытталды", - деп айтылат маалыматта.

Эске сала кетсек, 16-октябрда Жумгалдын Өрнөк айылында 49 жаштагы Болот Карыпбеков 9 жаштагы уулу менен мал кайтарганы кетип, дайынсыз жоголгон. Алардын аты Көкөмерен дарыясынан табылып, кайтарып жаткан малы чачырап кеткени белгилүү болгон. Дайынсыз жоголгондорду издөө иштери 19-октябрда башталган.