Бишкекке футбол боюнча Ирандын улуттук курамасы келди (видео)

Бүгүн, 17-ноябрга караган түнү «Манас» эл аралык аэропортунда Кыргыз футбол биримдигинин өкүлдөрү футбол боюнча Ирандын улуттук курамасын тосуп алышты. Бул туурасында биримдиктин маалымат кызматы билдирди.

Маалымдалгандай, Иран курамасы Бишкекке, 2026-жылкы Дүйнө чемпионатынын үчүнчү тандоо раунду алкагында өтө турган Кыргызстан-Иран беттешине катышуу үчүн келишти.

Футбол биримдиги Иран курамасынын оюнчуларына жана машыктыруучу штабынын өкүлдөрүнө ак калпак кийгизип, белектерди тапшырып, сыйлуу тосуп алышты.

Эске салсак, келе жаткан оюн 19-ноябрь күнү саат 20:00до борбор калаанын Д.Өмүрзаков стадионунда өтөт.