Кыргызстан жазуучулар союзуна 90 жыл. Өлкөгө 6 мамлекеттин чыгармачыл инсандары келет

Эртең, 21-ноябрда Бишкектеги улуттук филармонияда Кыргызстандын жазуучулар союзунун 90 жылдыгы салтанаттуу белгиленет. Бул туурасында уюштуруучулар кабарлады.

Маалымдалгандай, ага Түрксой, Евразия жазуучулар биримдигинен Казакстан, Азербайжан, Түркия, Өзбекстан, Орусия жана Кытай өлкөсүнөн келген коноктор, ошондой эле Кыргызстандын чыгармачылык интеллигенция өкүлдөрү, жазуучулар катышат.

Мындан сырткары филармониянын кичи залында Борбор Азиядагы жалгыз уникалдуу музыкалык аспап жөнүндө айтылып, презентациялар орун ала тургандыгы маалыматта кошумчаланган.