Шакиев иш сапары менен Санкт-Петербург шаарына барды

Жогорку Кеңештин төрагасы Нурланбек Шакиев Орусиянын Санкт-Петербург шаарына иш сапары менен барды. Бул тууралуу паламентттин басма сөз кызматынан билдирди.

Маалымдалгандай, иш сапардын алкагында төрага Көз карандысыз мамлекеттер шериктештигине мүчө өлкөлөрдүн Парламенттер аралык ассамблеясынын (КМШ ПАА) Кеңешинин отурумуна жана 57-пленардык жыйынына катышары күтүлүүдө.

Делегациянын курамында депутаттар Таалайбек Масабиров, Чыңгыз Ажибаев, Арсланбек Малиев, Сеид Атамбаев, Кубанычбек Самаков, ошондой эле президенттин жана Министрлер кабинетинин Жогорку Кеңештеги туруктуу өкүлү Алмасбек Абытов бар.