Белгилүү хирург Мамбет Мамакеев 97 жаш курагында каза болду

Медицина илимдеринин доктору, профессор, Кыргыз Республикасынын Баатыры Мамбет Мамакеев 97 жашында дүйнөдөн кайтты. Бул тууралуу маалыматты дарыгердин жакындары тастыкташты.

Мамбет Мамакеев 1927-жылы 1-октябрда туулган. Ал хирургия тармагында 67 жылдан ашык эмгектенген. Ошондой эле 250дөн ашык илимий эмгектин автору, ондогон илимдин докторлорун жана кандидаттарын даярдаган. "Манас" ордени жана башка мамлекеттик сыйлыктар менен сыйланган.

Мамбет Мамакеевдин аты Кыргызстандын Улуттук хирургия борборуна берилген.

Мамбет Мамакеев 2020-жылдын 29-февралында "Гиннесстин рекорддор китебине" эң көп убакыт иштеген хирург катары катталган.

SUPER.KG порталынын эмгек жамааты Мамбет Мамакеевдин жакындарынын аза кайгысын тең бөлүшүп, терең кайгыруу менен көңүл айтат.