Бишкекте Сталиндин убагындагы имараттарды бузуу пландалууда

Бишкекте совет доорунда курулган үйлөрдү бузуп, ордуна жаңы үй курууну пландап жатышат. Бул тууралуу УТРК мамлекеттик телеканалы билдирди.

Анда Мамлекеттик курулуштун жетекчиси Нурдан Орунтаев "сталинка" жана "хрущёвка" имараттарын бузуу тууралуу сөз кылган. Буга объект курууга жердин жоктугу себеп болууда.

"Бизде Сталиндин, Хрущеадин маалында курулган үйлөр абдан көп. Мисалы, 10 миң чарчы метрди түзгөн 500 батир бар. Эгерде алардын ордуна азыркы, заманбап көп кабаттуу үйлөрдү кура турган болсок, анда 100 миң чарчы метрди түзө турган турак үйлөрдү курууга болот. Бул учурдун талабына ылайык болууда", - деп айткан Орунтанв.

Бул идеяны ишке ашыруу качан башталары айтылган жок. Алар тиешелүү мыйзам долбоорун иштеп чыгууну пландап жатканы белгилүү болду.