Депутат Козуев Ооган согушунун ардагерлеринин пенсиясын көтөрүүнү сунуштады

Бүгүн, 27-ноябрдагы Жогорку Кеңештин жыйынында депутат Алишер Козуев Ооган согушунун ардагерлеринин пенсиясын көтөрүүнү сунуштады.

Эл өкүлү аймактардагы эл менен болгон жолугушууларда Ооган согушунун катышуучулары пенсияларынын аз экенине даттанышканын билдирди.

Козуев өлкөдө мындай пенсионерлердин саны канча экенине кызыкты. Буга социалдык фонддун төрагасы Бактияр Алиев алардын саны 18 экенин айтты.

Ошондой эле эл өкүлүнүн жалпы аскер кызматчыларынын пенсиясынын көтөрүлүшү боюнча берген суроосуна, финансы министринин орун басары Жибек Дүйшеева "1-октябрдан тарта 10,8 пайызга жогорулады" деп жооп узатты.