Өзгөчө кырдаалдар кызматы аба ырайына байланыштуу билдирүү таратты 

Өлкө аймактарында 30-ноябрь күндүз жана 1-2-декабрда аба ырайы кескин өзгөрүлүшү күтүлөт.

ӨКМдин билдирүүсүнө ылайык, бул күндөрү мезгил-мезгили менен жаан, кар, тоо этектеринде жана тоолуу райондордо кар жаашы ыктымал.

2-декабрда түнкүсүн Чүй, Талас, Жалал-Абад облустарынын айрым жерлеринде жаан-чачын катуу жаашы, айрым жерлерде туман түшүшү күтүлүүдө. Тоо этектеринде жана тоолуу райондордо жолдор тоңголок жана тайгак болуп, тоолуу аймактарда кар күрткүсү күтүлөт.

Батыштан соккон шамалдын ылдамдыгы айрым жерлерде секундасына 15-20 метрге, Ысык-Көл акваториясынын батыш тарабында 17-22 метрге чейин жетиши ыктымал.

• Чүй өрөөнүндө түнкүсүн -3° …+2°, күндүз +1… +6°;
• Талас өрөөнүндө түнкүсүн -1…-6°, күндүз 0…+5°,
• Ош, Жалал-Абад, Баткен облустарынын өрөөндөрүндө түнкүсүн 0…+5°, күндүз +4…+9°;
• Суусамыр өрөөнүндө түнкүсүн -18…-23°, күндүз -6…-11°;
• Ысык-Көл ойдуңунда түнкүсүн -1…-6° суук, күндүз +1…+6°;
• Нарын облусунунда түнкүсүн -7…-12° суук, күндүз -4° …+1° градус болот.

Республиканын тоолуу райондорунда түнкүсүн -5…-10°, күндүз -3° …+2° градус, бийик тоолордо түнкүсүн -19…-24°, күндүз -6…-11° градуска чейин төмөндөйт.

Мындай туруксуз аба ырайы автоунаа, энергетика жана коммуналдык кызматтардын ишин жана жайыттарда малды кармоону кыйындатат.