Жалал-Абад облусундагы жол куруу иштери кызуу жүрүүдө (тизме)

Жалал-Абад облусу боюнча жолдорду салуу иштери кызуу жүрүүдө. Бул туурасында бүгүн, 27-ноябрда Транспорт жана коммуникациялар министрлигинин маалымат кызматы билдирип, жасалып жаткан иштерге кенен токтолгон.

Анда айтылгандай:

- №12 Жол тейлөө ишканасы тарабынан Кербен шаарынын Баетов көчөсүнө асфальт төшөө иштери жүрүүдө.

Жергиликтүү маанидеги Мукур-Итагар унаа жолунун 0-6-чакырымдар аралыгы оңдолууда.

- №22 Жол тейлөө ишканасы Сузак-Арал-Жийде унаа жолунда асфальт төшөө менен катар атайын техниканын жардамы менен мыйзамсыз курулуштарды бузуу жумуштарын аткарып жатат.

- №30 Жол тейлөө кызматы Бишкек-Ош жолунда тоо боорунан түшкөн таштарды тазалоо иштери жүргүзүүдө.

- №31 Жол тейлөө ишканасы Калмак-Кырчын-Канжыга унаа жолу кеңейтип жатат.

- №38 Жол тейлөө тарамгы Таш-Көмүр-Кербен-Ала-Бука жолунун 45-чакырымында арык (траншея) казуу иштерин аткарууда.

- Базар-Коргон районунун Чкалов айылындагы 3 чакырым жолго №50 Жол тейлөө ишканасы асфальт төшөөдө.

- Ал эми Ленин-Жол-Шайдан, Ленин-Жол-Казар-Мазар-Сере жолунда аң-чөнөктөрдү жамоо иштери №51 Жол тейлөө ишканасы тарабынан жүргүзүлүүдө.