Ысык-Көлдө эки баланы куткарып калган милиция кызматкери “Каармандык” медалы менен сыйланды 

Бүгүн, 27-ноябрда Ысык-Көл ОИИБинин башчысы Мурат Боронов Бостери айылынын милиция бөлүмүнүн кызматкери Бакытбек Максүтовду Ички иштер министрлигинин “Каармандык” медалы менен сыйлады. Бул тууралуу облустук милициядан билдирди.

Маалымдалгандай, бул сыйлык милициянын майоруна 17-ноябрда болгон кырсыкта эки жашы жете элек баланы өрттөн куткарып, эрдик жана ыкчамдык көрсөткөндүгү үчүн ыйгарылды.

Эске салсак, кырсык 17-ноябрда саат 11:30 чамасында Бостери айылындагы көп кабаттуу үйлөрдүн биринде болгон. Батирден чыккан өрт жалынга айланган. Милициянын майору Бакытбек Максүтов тажрыйбалуу офицер катары кырдаалды тез баалап, эч ойлонбостон жардам сураган балдардын үнүнө карай чуркаган.

Жергиликтүү тургундардын жардамы менен ал кара түтүн жана жалын каптаган батирден 4 жана 9 жаштагы эки баланы чыгарып, аларды коопсуз жайга алып чыккан. Тез арада өрт өчүрүү кызматын чакырып, кырсыктын андан ары жайылышына бөгөт коюлган.