Абхазиядагы митинг: Жаңы президентти шайлоо убактысы белгилүү болду

Абхазия парламентинин депутаттары республиканын президентин мөөнөтүнөн мурда шайлоону дайындоо боюнча резолюция кабыл алышты. Бул туурасында чет элдик басылмалар жазышты.

Маалымдалгандай, шайлоо 2025-жылдын 15-февралына дайындалды. Ага чейин президенттин милдетин өлкөнүн вице-президенти Бадра Гунба аткара тургандыгы айтылган.

Белгилей кетсек, 11-ноябрда Абхазияда оппозициянын өкүлдөрүн Мамлекеттик коопсуздук кызматынын кызматкерлери кармап кеткенден кийин массалык башаламандыктар башталган. Митингчилер президенттин жана өкмөттүн имараттарын басып алып, өлкө башчысын кызматтан кетишин талап кылышкан. Кызматын тапшырган соң Абхазиянын кызматтан кеткен президенти Аслан Бжания республикадан чыгып кеткен.