Мамлекеттик ипотекалык ишканасы Москванын ВДНХ аймагына бөлүмүн ачты

Орусиянын Москва шаарында Кыргызстандын Мамлекеттик ипотекалык компаниясы өз өкүлчүлүгүн ачты. Бул туурасында бүгүн, 29-ноябрда аталган мекеменин маалымат катчысы Жылдыз Бекбаева SUPER.KG порталына тастыктады.

Анын айтымында, ВДНХ аймагындагы Кыргызстандын павильонунда компаниянын өкүлү кыргызстандыктарды кабыл алып кеп-кеңеш берип, иштеп баштады. Жарандарды кабыл алуу иш күндөрү саат 11:00дөн 18:00гө чейин жүргүзүлөт.

"Президент Садыр Жапаровдун жарлыгына ылайык, ушул жылдын 15-апрелинде “Үлүштүк курулуш” механизми иштеп баштаган. Бул механизм чет өлкөлөрдө эмгектенип жүргөн мигранттарга да мамипотека алууга мүмкүнчүлүк берет. Учурда өлкө боюнча 40 миңден ашуун батир курулуп жатат", - деп кошумчалады Бекбаева.