Депутат салык тууралуу: "Эмне үчүн ишкерлер нааразы? Себеби шарт жок!" (видео)

Депутат Жылдыз Садырбаева жарандар үчүн салык төлөө системасын автоматташтырууну талап кылууда. Бул тууралуу ал 29-ноябрда Айрым мыйзам актыларына салык тармагындагы өзгөртүүлөрдү киргизүү боюнча парламенттик угууда билдирди.

Анын айтымында, парламент салыкты актоо жолун колдойт, бирок салык кызматынын маалымат тутумун чыңдоо зарыл.

"Салык төлөөчүлөрдүн көбү абийирдүү, алар салык төлөөгө даяр, бирок салык кызматы менен байланыштыра турган бир топ көйгөйлөр бар. Мисалы, IP даректер, алар иштелип чыккан эмес: ар бир ETTN өзүнчө жүктөп алуу керек. Бул абдан көп убакытты алат. Жеке кабинетти бир басканда гана ачылгыдай кылып жөнөкөйлөштүрүш керек. Эң алгач ар бир салык төлөөчүнүн ыңгайын түзүш керек да, анан талап кылгыла", - деди Садырбаева.

Депутат ошондой эле салыктын түшүүсүн азайтып жаткан контрабандалык товарлардын көп көлөмүн эске салды. Ал мамлекеттик органдардан бул маселеге көңүл бурууну өтүндү.

Экономика жана коммерция министри Данияр Амангелдиев санариптештирүү процесси бир ордунда турбай эле, өзгөрүүлөр болуп жатат деп жооп берди.