Ысык-Көлгө 40 жылдан кийин алгачкы жолу теплоход келди (видео)

Кыргызстандын бермети болгон Ысык-Көлгө эки теплоход жеткирилди. Мындай маалымат социалдык тармактарга тарады.

Кемелер коңшу Кытайдан алынып келинген. Эки заманбап кеме 84 жана 54 адамга ылайыкташкан. Ал зыяндуу заттардын эмиссиясын минималдаштыруучу жана аз күйүүчү май керектөө менен мүнөздөлгөн заманбап Mercury кыймылдаткычтары менен жабдылган. Бул экологиялык жактан таза кыймылдаткыч.

Кемелер менен Ысык-Көлдүн түндүк жана түштүк жээктерин байланыштырган үзгүлтүксүз каттамдарды, анын ичинде Чолпон-Атадан Тоңго каттамдарды ишке киргизүү пландалууда.

Акыркы жолу Ысык-Көлдө жаңы кеме 1980-жылдары сууга түшкөн.