Түштүк Кореяда аскердик абал жарыялангандан кийин митинг күч алды (видео) 

Түштүк Кореянын парламенти президент киргизген аскердик абалды алып салууга добуш берди. Бул туурасында чет элдик басылмалар жазышты.

Жергиликтүү ММКлар парламенттин имаратында ага каршы болгон жергиликтүү жарандар чогулуп, башаламандык күч алганын жазышууда.

Буга чейин көчөлөргө аскердик техникалар келип, парламент имаратынын үстүндө тик учактар ​​айланып жатканы кабарланган.

Бул арада жарыяланган буйрук артка кайтарылып, согуштук техникалар жана аскерлер борборду таштап чыгып жаткандыгы маалыматта кошумчаланган.