Кыргыз-тажик чек арасы боюнча сыпаттама толугу менен аяктады

Бүгүн, 4-декабрда Баткен шаарында кыргыз-тажик мамлекеттик чек арасын делимитациялоо жана демаркациялоо маселелери боюнча Кыргызстан менен Тажикстандын өкмөттүк делегацияларынын теңтөрагалары Камчыбек Ташиев жана Саймумин Ятимовдун жолугушуу болуп өттү. Бул тууралуу Министрлер кабинети кабарлады.

Жолугушуунун жүрүшүндө Кыргызстан менен Тажикстандын өкмөттүк делегацияларынын башчылары макулдашууга жетишип, кыргыз-тажик мамлекеттик чек арасынын калган тилкелеринин сыпаттамасын толугу менен аякташты жана кыргыз-тажик мамлекеттик чек арасын делимитациялоо жана демаркациялоо маселелери боюнча жумушчу топторго кыргыз-тажик мамлекеттик чек арасын делимитациялоо боюнча жыйынтыктоочу документтерди даярдоо боюнча тапшырмаларды беришкен.

"Жолугушуу достуктун жана өз ара түшүнүшүүнүн кырдаалында өттү", - деп жазылат билдирүүдө.