Бишкектин көчөлөрүнө түнү менен 62 тонна туз себилди (видео)

Бишкек шаарындагы көчөлөргө туз себүү иштери жүрүп түнү менен жүрдү. Аны "Тазалык" ишканасы алып барды. Бул туурасында мэриядан кабарлашты.

Маалымдалганжай, Жайыл баатыр, Аалы Токомбаев, Алыкулов, 7-апрель, Ахунбаев, Тыналиев, Кожобергенов, Д.Садырбаев, Киев, Горький көчөлөрү жана Чүй, Жибек Жолу, Манас проспектилерине туз чачуу иштери аткарылган.

"Жалпысынан 62 тонна туз чачылды. Ишкананын 35-40 жумушчусу жана 14 атайын кышкы техникасы учурда линияда жүрөт", - деп айтылат маалыматта.

Белгилей кетсек, "Тазалык" ишканасы буга чейин кампасында 3 миң тоннадан ашык техникалык туз бар экендигин билдирип, дагы 2 миң тонна келерин айткан. Ошондой эле техникалардын даярдыгы боюнча маалымат берген.