ӨКМдин куткаруучулары Бишкектеги "Айданек" балдар үйүнө жардам беришти

ӨКМдин Бишкек шаары боюнча башкармалыгы борбор калаанын Свердлов районунда жайгашкан "Айданек" турмуштун оор кырдаалында турган балдарды реинтеграциялоо борборуна жардам көрсөтүштү. Бул туурасында министрликтин маалымат кызматы билдирди.

Маалымдалгандай, башкармалыктын башчысынын орун басары полковник Сталбек Абдылда уулу баштаган куткаруучулар борборго гигиеналык каражаттарды тапшырып, балдардын муктаждыктарын чечүүгө колдон келген жардамды көрсөтүүгө даяр экендигин билдиришти.