Бакыт Төрөбаев Британиянын Кыргызстандагы элчиси менен жолугушту

Министрлер кабинетинин төрагасынын орун басары Бакыт Төрөбаев Улуу Британиянын Кыргызстандагы элчиси Николас Боулер менен жолугушту. Бул тууралуу өкмөттүн басма сөз кызматынан кабарлады.

Маалыматка караганда, жолугушуунун жүрүшүндө кыргыз-британ мамилелеринин актуалдуу маселелери, 2025-жылга карата аларды ишке ашыруу жана өнүктүрүүнүн пландары сүйлөшүлдү.

Төрөбаев өзгөчө айыл чарба тармагында кызматташууну мындан ары дагы жогорулатууга көңүл бурду. Маселен суу ресурстары, асыл тукум мал чарбачылыгы, айыл чарба продукцияларын кайра иштетүү жана сактоо, экспорт, адистерди окутуу, тажрыйба алмашуу тармактарында тыгыз кызматташунун мүмкүнчүлүктөрүн карап көрүүгө чакырды.

Өз кезегинде Николас Боулер британ бийлиги кыргыз тарап менен түрдүү тамактарда кызматташууга даярдыгын, өзгөчө энергиянын кайра жаралуу булактары чөйрөсүндөгү долбоорлорго инвестиция салууга кызыкдар экендигин билдирди.