Бердымухамедов Эл аралык бейтараптык күнүнө карата 276 кишиге ырайым кылды

Түркмөнстандын президенти Сердар Бердымухамедов 276 соттолгон адамга ырайым кылуу тууралуу жарлыкка кол койду. Иш-чара 12-декабрда белгиленүүчү Эл аралык бейтараптык күнүнө карата уюштурулганын Turkmenistaninfo.gov.tm билдирди.

"Кечиримдүүлүк сот адилеттигин калыбына келтирүүгө жана сот системасын гумандаштырууга багытталган жылдык асыл практиканын бир бөлүгү болуп калды", - деп белгилейт басылма.

Ырайым берилгендердин арасында жасаган кылмышына өкүнгөн соттолгондор да бар. Алар эркинен ажыратуу түрүндөгү негизги жазаны андан ары өтөөдөн бошотулат.

Түркмөнстанда абактагыларга ырайым кылуу акциялары үзгүлтүксүз өткөрүлүп турат. Президент тиешелүү жарлыктарга Кадыр түндү, Бейтараптык жана Эгемендүүлүк күндөрүн утурлай кол коёт. Үстүбүздөгү жылдын сентябрь айында өлкөнүн эгемендүүлүгүнүн 33 жылдыгына карата Бердымухамедов 736 соттолгон адамга ырайым кылган. Соңку бир нече жылда 20 миңден ашуун адамга ырайым берилген.