Бишкекте өспүрүм кызды сүзүп, из жашырган Лексустун айдоочусу кармалды (видео)

Бишкектин 7-Апрель көчөсүнөн жол тандабас мектеп окуучусун сүзүп, окуя болгон жерден качып кетти. Бул туурасында шаардык патрулдук милиция билдирди.

Маалымдалгандай, 9-декабрь саат 07:30дар чамасында 8-класстын окуучусу жөө адамдар өтүүчү жерден өтүп бара жаткан. Ошол учурда аны Лексус 470 үлгүсүндөгү унаа сүзүп, айдоочу окуя болгон жерден изин жашырып кеткен.

Жабыркаган мектеп окуучусу Бишкектеги №3 балдар ооруканасына жеткирилген.

Жол кайгуул кызматы жол тандабастын айдоочусу кийин өз каалоосу менен башкармалыкка келгенин айтты. Ал 1960-жылы туулган Ж.И. аттуу жаран экендиги аныкталган. Учурда унаа айып короого токтотулду.