Жумгалда жоголгон өспүрүм: Тийиштүү кызмат издөө иши тууралуу маалымат берди

ӨКМдин Жумгал районундагы башкармалыгы Өрнөк айылында мал кайтарууга жайлоого кетип, дайынсыз болгон 9 жаштагы баланы издөө иши тууралуу маалымат берди.

Билдирүүгө караганда, издөө ишине кечээ, 11-декабрда 4 куткаруучу тартылган.

"Куткаруучулар туугандары айткан жерлерге якорь салып карап келишти. Натыйжа болгон жок", - деп билдиришти мекемеден.

Ошондой эле мекеме учурда Көкө-Мерен суусунун жээктерин муз каптап, жээк менен басуу кооптуу болуп калгандыктан издөө иштери убактылуу токтотуларын кошумчалашты.

Эске салсак, 6-октябрда Жумгалдын Өрнөк айылында 49 жаштагы Болот Карыпбеков 9 жаштагы уулу менен мал кайтарганы кетип, дайынсыз жоголгон. Алардын аты Көкөмерен дарыясынан табылып, кайтарып жаткан малы чачырап кеткени белгилүү болгон. Дайынсыз жоголгондорду издөө иштери 19-октябрда башталган.

14-ноябрда ИИМ Көкөмерен суусунун боюнан 45 жаштагы жарандын жансыз денеси табылганын билдирген. ӨКМ баланы издөө иштери пассивдүү фазада улантыла турганын билдирген.