Таласта Манас Ордо комплексинин жетекчиси алмашты

Министрлер кабинетинин төрагасынын тескемесине ылайык, Камил Мамадалиев Талас облусундагы Кыргыз улуттук "Манас Ордо" комплексине башкы директор болуп дайындалды. Бул тууралуу бүгүн, 12-декабрда Маданият министрлигинен билдиришти.

Жаңы жетекчини жамаатка маданият, маалымат, спорт жана жаштар саясаты министринин орун басары Гүлбара Абдыкалыкова тааныштырды.

Камил Мамадалиев 1981-жылы 15-сентябрда Талас облусунун Талас районуна караштуу Хан-Бүргө айылында туулган.

- Талас шаардык маданият бөлүмүндө усулчу (2001–2002);

- Талас шаардык билим борборунда “Манас таануу” боюнча жетекчи (2002–2003);

- “Жер-Үй” алтын кенинде кызматкер (2006–2009);

- Кыргыз улуттук Манас Ордо комплексинде китепканачы, улук илимий кызматкер (2011–2023);

- Кыргыз улуттук Манас Ордо комплексинде жайгашкан “Манас" эпосу музейинин директору (2023-2024)

Сыйлыктары:

- “Маданияттын мыкты кызматкери”;
- Талас облусунун “ардактуу атуулу”.