Президент газ тартыштыгы боюнча түшүндүрмө берди

Өлкө башчысы Садыр Жапаровдун "Кабар" агенттигине кезектеги маеги жарыяланды. Анда президент өлкөдө энергетика тармагындагы абал тууралуу сөз кылып, жаратылыш газдын тартыштыгы боюнча да түшүндүрмө берген.

"Электр энергиясынан сырткары элибиз колдонуп келе жаткан жаратылыш газдын дагы бүгүнкү күндө жетишсиздиги байкалууда. Себеби быйылкы жылы беш жаңы конушту газдаштырдык.

Ошондой эле жогоруда айтылгандай газ маселеси кошуна өлкөлөрдө дагы жетишсиз болуп, биздин өлкөгө алардын аймагынан келген газ түтүктөрүндө басым азайып жатат" деген мамлекет башчысы.