Япониянын жээктеринде күчү 5,5 баллга жеткен жер титирөө болду 

Япониянын Кюсю аралынын жээгинде Филиппин деңизинде күчү 5,5 баллга жеткен жер титирөө катталганын Орусиянын Илимдер академиясынын Бирдиктүү геофизикалык кызматынын Алтай-Саян бөлүмү билдирди.

Алтай-Саян тармагынын оперативдүү маалыматы боюнча, жер титирөө бүгүн, 17-декабрда катталган. Жер титирөөнүн очогу Каной шаарынан 28 чакырым түштүк-чыгышта, болжол менен жээктен 1 чакырым алыстыкта ​​жайгашкан.

Очогундагы титирөөнүн интенсивдүүлүгүнө жараша жер титирөө “өтө күчтүү” деп бааланган.

АКШнын Геологиялык кызматы жер титирөөнүн күчүн 5,2 балл деп баалады. Америкалык сейсмологдордун айтымында, жер титирөөнүн очогу 165,5 чакырым тереңдикте болгон.