Өзбекстан Москвага генералдын өлүмүнө шектелген адам тууралуу маалымат жөнөттү

Өзбекстандын күч органдары Москвада генерал Игорь Кирилловдун өлүмүнө байланыштуу кармалган жаран тууралуу Орусияга маалымат жиберди. Бул тууралуу ТАСС агенттиги жазды.

"Кармалган жаран тууралуу маалымат дароо Москвага жөнөтүлдү", - деп айтылат билдирүүдө.

Буга чейин Кремлдин басма сөз катчысы Дмитрий Песков брифинг учурунда Орусиянын президенти Владимир Путин террордук чабуулда каза болгон Радиациялык, химиялык жана биологиялык коргонуу күчтөрүнүн башчысы, генерал-лейтенант Игорь Кирилловдун жакындарына көңүл айтканын билдирген. Анын айтымында, киши өлтүрүүгө кимдер буйрук берип, уюштурганы буга чейин ачыкка чыккан.

Бүгүн, 18-декабрда эртең менен ФСБ террордук чабуулга шектелген адам кармалганын жарыялады. Ведомстводон билдиришкендей, ал 1995-жылы туулган Өзбекстандын Ахмад Курбанов аттуу жараны болуп чыкты. Сурак учурунда ал аны Украинанын атайын кызматы жалдаганын билдирген. Теракттын аткаруучусуна 100 миң доллар жана Европа паспорту убада кылынган.