Бишкектеги троллейбустун линияларын демонтаждоо боюнча сот өкүмү чыкты

Бишкек шаарынын административдик соту Бишкек мэриясынын троллейбустук байланыш түйүндөрүн демонтаждоо боюнча аракеттерин мыйзамдуу деп тапты. Бул тууралуу бүгүн, 18-декабрда калаа мэриясынан кабарлады.

Маалыматка ылайык, сот Б. Бөрүбаева аттуу жарандын доосун канааттандыруудан баш тартып, көрүлүп жаткан аракеттердин мыйзамдуу деп тапкан.

Мэриядан билдиргендей, троллейбустардын байланыш түйүндөрүн демонтаждоо жана троллейбустарды өткөрүп берүү бир нече себептерден улам болгон:

1. Троллейбус линияларын кеңейтүүнүн жана модернизациялоонун жана маршруттарды тез арада оңдоонун татаалдыгы;
2. Айырмаланган эки бизнес-процессти башкаруунун наркы, троллейбустарды чектелген сандагы тейлөө үчүн адистештирилген персоналды кармоо зарылчылыгы;
3. "Ачык асман" демилгесин колдоо жана шаардын эстетикалык көрүнүшүн жакшыртуу;
4. Колдонуучулардын азайышынын туруктуу тенденциясы жана натыйжада коомдук транспорттун бул түрүнүн рентабелсиздиги;
5. Линиядагы авария бардык троллейбустардын токтоп калышына алып келет жана жүргүнчүлөрдү түшүрүүдө кыйынчылык жаралат.